વિશ્વના ધનિક લોકોની યાદીમાં મુકેશ અંબાણી શામેલ છે. રિલાયન્સ ઇન્ડસ્ટ્રીઝના ચેરમેન અને મેનેજિંગ ડિરેક્ટર મુકેશ અંબાણીની 71.2 અબજ ડોલરની સંપત્તિ છે. મીડિયા રિપોર્ટ્સ અનુસાર તેમની પાસે લગભગ 170 વાહનો છે. વ્યવસાયિક દ્રષ્ટિકોણથી હંમેશાં ચર્ચામાં રહેનારા મુકેશ અંબાણી વ્યક્તિગત રીતે ખૂબ નમ્ર અને પારિવારિક માણસ છે. સંઘર્ષના દિવસોના સાક્ષી તરીકે મુકેશ સફળતાની સીડી ઉપર ચઢ્યા છે. આજ કારણે મુકેશ અંબાણી હંમેશા જમીન સાથે જોડાયેલી આદતો અપનાવે છે.
ગુજરાતી ભોજનને પ્રાધાન્ય આપવામાં આવે છે: આટલી બધી સંપત્તિ હોવા છતાં, મુકેશ અંબાણી એક સરળ જીવન જીવવાનું પસંદ કરે છે. વિશ્વની બધી સારી હોટલોનો સ્વાદ ચાખી ચૂકેલા મુકેશ અંબાણી સંપૂર્ણ શાકાહારી છે. તેમને સાદા ઘરનો ખોરાક દાળ અને ભાત સૌથી વધુ ગમે છે. આ ઉપરાંત, ઘણા સ્થળોએ તેઓએ ઊલ્લેખ કર્યો છે કે તેઓ ગુજરાતી અને દક્ષિણ ભારતીય વાનગીઓને પસંદ કરે છે. એટલું જ નહીં મુકેશ અંબાણી ધૂમ્રપાન અને અન્ય તમામ પ્રકારનાં નશાથી દૂર રહે છે.
મુકેશ અંબાણીને ખૂબ નમ્ર અને જમીન સાથે જોડાયેલા માનવામાં આવે છે. જોકે તેઓને મોંઘા અને લક્ઝરી વાહનોનો જબરો શોખ છે. વિંટેજ અને બુલેટપ્રૂફ વાહનો પણ તેમના ઘરની શોભા વધારે છે. તેની પાસે BMW 670Li, એસ્ટન માર્ટિન રેપિડ, રોલ્સ રોયસ ફેન્ટમ, બેન્ટલી કોંટિનેંટલ ફ્લાઇંગ સ્પુર જેવા વાહનો છે. આ સિવાય, વર્ષ 2021 માં, તેમના કાફલાએ રોલ્સ રોયસ કુલિનાન, માસેરાતી લેવાંટે એસયુવી અને બેન્ટલી બેન્ટાયગા સહિત 3 નવા વાહનોનો સમાવેશ પણ કર્યો છે.
મુકેશ અંબાણી તેમની મિત્રતા માટે પણ જાણીતા છે, ઘણા પ્રખ્યાત લોકો તેમની નજીકની ગણાય છે. દેશના સૌથી ધનિક ઉદ્યોગપતિ મુકેશ અંબાણીના ઘણા મિત્રો પણ પુત્ર આકાશ અને પુત્રી ઇશાના લગ્નમાં પહોંચ્યા હતા. વ્યવસાયિક સંબંધોની સાથે સાથે મુકેશ અંબાણી તેના અંગત સંબંધોને ખૂબ મહત્વ આપે છે. ક્રિકેટ જગતથી લઈને બોલિવૂડ સુધીના ઘણા મોટા સ્ટાર્સ સાથે મુકેશ અંબાણીના સારા સંબંધો છે. મુકેશ અંબાણીએ બચ્ચન પરિવાર સચિન તેંડુલકર સાથે મૈત્રીભર્યા સંબંધો રાખ્યા છે.
ઘણા અહેવાલોમાં ઉલ્લેખ છે કે મુકેશ દરરોજ માતાના પગને સ્પર્શ કરીને ઘરની બહાર નીકળે છે. આ સાથે મુકેશ રવિવારે તેમનો તમામ સમય પરિવારને આપે છે.
